قالت لي معلمة اللغة الفرنسية إني طلعت الألفة علي المدرسة في مادة اللغة الفرنسية في نصف العام , وان المدرسة تكرمني وتديني شهادة تقدير واني هستلمها غدا في الطابور , استعديت بقا وكويت اليونيفورم واشتريت كمان علبة مناديل ووزعتها علي زميلاتي بناءا علي طلبهم طبعا...." مهي دي الحلاوة"....
وبدأت مراسم الطابور وجاه الدور علي توزيع الشهادات وكان الاستفتاح بيا , نادي المشرف علي اسمي وانا كنت أول مرة اطلع أخد شهادة تقدير في حياتي يعني .... يمكن عشان اول مرة ادرس فر نساوي..." أصله هايف جدا".....نادي المشرف علي اسمي فلملمت خجلي وذهبت .....يااااااااااااااااااه ده طريق طويل اوي ياخبر داانا بيني نسيت اربط رباط الجزمة كويس , أكيد شكله غبي , والجيبة يا تري شكلها مكسر؟؟ دانا طول الليل باكوي فيها وابخ ميه لما باشت..., يا لهوي طوبة !!! شكلها كدا مستنياني.. لأ ... ابعدي عني الآن ليك عليا اكعبل فيك وقت تاني بيني وبيتك..
الحمد لله عدت...أأأأااه اخيرا وصلت ... الشهاااادة أهي .... ها..... ايه تاني!!؟؟؟ .... دا ايد مين دي؟........ اااه دا المشرف اكيد عاوزني امد ايدي واسلم أه ...والا بقا مفيش شهادة....طب والعمل ؟.....أنا مليش في السلامات .......انا ............اصلي .......... بكسف .......وبعدين الراجل يعني هيفضل مادد ايده كدا ....شكله بايخ اوي قدام زمايله والطلبة برده طب .... أهي يالا ........ أديني سلمت عليه من تحت الخمار!!!! " دي ايدي تصرفت من تلقاء نفسها مهو انا كل حته فيا خجولة..." وأأأأأأأأأأأأدي الشهادة ... يااااااااااااااه الحمد لله اخدت الشهادة .. يااااااااااااااااااااااااربي لسة ها رجع الطريق دا التاني ...توووووووووووووبة عنت أخد شهادات في الطابور علي الملأ .....( تاني شهادة اخدتها كانت في الفصل ولم ابرح مكاني.....)
المشاركات
هناك تعليقان (2):
الابداع العامي هنا رائع قدرة هذه الخجولة على وصف اللحظة والمشاعر والاحساس بدقتها ممتاز...الصورة وصلت تماما..وتركت القارئ يعيش معك اللحظة ويخاف مثلك ان يتعثر بالحجر...خجولة مبدعة جدا
الابداع العامي هنا رائع قدرة هذه الخجولة على وصف اللحظة والمشاعر والاحساس بدقتها ممتاز...الصورة وصلت تماما..وتركت القارئ يعيش معك اللحظة ويخاف مثلك ان يتعثر بالحجر...خجولة مبدعة جدا
إرسال تعليق